Liquor ban sa Samal i-lift sa Marso 1

63

Davao City – Dungan sa subling pag abli sa mga resort sa Island Garden City of Samal (IGaCoS) sa Lunes, Marso 1, 2021, wagtangon na usab ang liquor ban sa syudad apan adunay mga kondisyon nga angay sundon.

Sa interbyu sa DXDC RMN Davao kang Samal Mayor Al David Uy, gibutyag niini nga sugod Marso 1, i-lift na ang liquor ban apan magbaton kini og window hours gikan alas-9 sa buntag hangtud alas-9 sa gabii, ug kinahanglang sa balay lamang kini inumon.


“The same thing with liquor. We will have a window hours for that, from 9pm to 9am pero makainom ka sa balay lang,” tataw ni Uy.

Giklaro usab ni Uy nga dili pa tugotan ang pag-inom sa restaurants, resorts ug uban pang pampublikong lugar.

Ning bag-ohay lamang sa dihang giaprubahan sa Inter-Agency Task Force (IATF) ang pag reopen sa Samal resorts tungod sa hangyo sa Local Government Unit (LGU) aron mabalik na ang idustriya sa turismo nga mao ang nag-unang panginabuhian sa lugar.

RadyoMaN Kirby Manzon



Facebook Comments