Listahan sa NPA supporters anaa na sa DILG-XI

61

Davao City – Gikumpirma karon sa Department of the Interior and Local Government (DILG) – Davao City nga aduna na silay listahan sa mga local officials ug business establishments nga nagahatag og tabang pinansyal kun revolutionary taxes sa mga komunista sa region XI.

Sa interbyu sa Davao media kang Alex Roldan, Regional Director sa DILG-XI, gibutyag niini nga naggikan sa presidente ang maong listahan sa mga government officials, business establishments ug bisan mga empleyado sa gobyerno nga nagahatag og ayuda sa mga New People’s Army (NPA) alang sa ilang kalihokan.


Sa pagkakaron, gina-verify pa sa DILG ang listahan ug nakig-alayon sa mga nalambigit nga mga mayor, bise mayor, ug mga barangay officials.

Apan giklaro ni Roldan nga kung magpadayon gihapon ang nahisgutan sa pagsuporta sa mga rebelde, hangyuon na niini si DILG Secretary Eduardo Ano ug President Rodrigo Duterte nga mapahunong sa ilang binuhatan.

RadyoMaN Kirby Manzon

Facebook Comments