Listahan sa SPMC employees alang sa COVID vaccination ginaplastar, vaccine brand wala pa masayri

Davao City – Mag-agad lang ang Southern Philippines Medical Center kun SPMC sa central office, Department of Health (DOH) og unsang brand sa COVID vaccine ang iturok sa mga empleyado sa SPMC.

Sa esklusibong pakighinabi sa DXDC RMN Davao kang SPMC-OIC Dr. Ricardo Audan, saysay niini nga anaa sa kapin 5,000 ka mga empleyado sa maong ospital ang posibleng mabakunahan sa COVID.

Dugang ni Audan nga karong adlawa, January 29, 2021 ang deadline sa pagsumite sa mga pangalan og kinsa ang magpabakuna sa ilang mga empleyado diin gitino niini nga dili mandatory kundi boluntaryo lang ang pagpabakuna.


“So far, dependent mi sa central office under mi sa Department of Health, wala pa mi kabalo sa klaseng bakuna… Ubay-ubay mi, we are more than 5, 000 (SPMC employees). Karon ang adlaw nga deadline for the submission of names,” sulti ni Audan.

Gisiguro usab niini nga ginasuta nila ang allergies o ubang mga sakit sa mga empleyado pinaagi sa pag fill-out og form nga maoy ikunsidera usab sa pagturok sa COVID vaccine nga laumang magsugod na karong Pebrero 2021.

RadyoMaN Renz Barbarona

Facebook Comments