Live From The Field

Katipunan- Hoyhoy ang abaga sa tag-iya sa tindahana human nga gisulod sa mga kawatan nga minor edad. Nahitabo ang maong pagpangawat dili palang dugay didto sa bagsakan store nga anaa nahimutang ilawom sa Katipunan Municipal Gymnasium, Pob. Brgy. Dos. Lungsod sa Katipunan.

Matod pa nga gipugos ug guba sa mga menor de edad ang maong tindahan.

Sa gihimong imbistigasyon sa kapulisan ang grupo sa maong mga bata gibuhat nila kini atol sa pagkapalong sa sugang dagitab mga 8:00PM, miagi kini sila sa entrance sa nahisgutan nga tindahan human nila giguba ang ding-ding sa tuo nga bahin sa purtahan.


Samtang anaa sa sulod ang mga bata ilang gipang ablihan ug gikaon ang pipila ka mga paninda, ug nagkatag pa sa salog ang ubang mga items lakip na usab ang ilang pagsulat-sulat sa mga ding-ding.

Saysay pa sa saksi nga iyang nakita matod ang upat ka mga bata nga nagdali-dali kini ug ikyas padulong sa Brgy. Dos ang direksyon.

Sa dihang mibalik na ang kuryente sa municipal building complex pinaagi sa generator set lakip usab nga na lamdagan ang Municipal Gymnasium, didto ilang nakita ang danyos nga gibana-banang mo abot sa 3,200 lakip na ang salaping cash nga P215 ang gitangag sa mga kawatan.

Sa pagkakaron blanko pa gihapon ang kapulisan sa Katipunan may kalabot sa nahitabong pagpangawat kung si kinsa ug asa mipadulong ang mga menor de edad.

Facebook Comments