Lolo nalumos-patay

23

Davao City – Patay na dihang napalgan ang usa ka 72 anyos nga lolo human naanod sa sapa alas 6 ang takna sa buntag sa Prk.2 Brgy.San Roque New Bataan Compostela Valley.

Ang namatay giila sa pangalang Luis Paclibar, 72 anyos, minyo ug residente sa Prk.1 Brgy. Cabinuangan lungsod sa New Bataan.

Sumala sa report nga nahipos gikan sa New Bataan Police Station nasayran nga milakaw ang namatay alas 5 sa hapon kagahapong adlawa dako na lang kakurat sa iyang kabanay nga nakit an sa mga nagpakabanang residente ang namatay nga walay sapot sa Languan River human naanod.

Migawas usab sa imbestigasyon nga nag antos sa Alzheimer disease ang namatay.

Ang patay nga lawas gihaya na sa De Alar Funeral Home sa Brgy.Poblacion lungsod sa New Bataan.

RadyoMaN Jules Catisay

Facebook Comments