Live From The Field

12

Bangkay sang lalaki nga taga-Iloilo ang nasapwan pasado las 7 kaina sang aga sa isa ka area sa Purok Katipunan, Brgy. Cabug, Bacolod City.

Suno sa hepe sang Police Station 9, Police Cpt. Jonito Pastrana nga base sa ID kag cedula nga nakita sa wallet sang biktima ini siya amo si Nathan Serudo, posible naga-edad 30-pasaka kag tumandok sang banwa sang Pavia, Iloilo.


Ginpahayag ni Pastrana nga may impormasyon sila nga ang biktima ang isa ka notorious kag high value target sa illegal drugs sa Iloilo.

Ang biktima may madamo nga igo sang bala sa nagkalain lain nga bahin sang iya lawas, nakabaklid nga may gapos ang iya duha ka kamot kag may narecover nga mga empty shells sang .45 kag 9 mm sa scene of the crime.

Samtang, ginpahayag naman sang isa ka residente sa amo nga lugar, nakabati siya sang duha ka lupok mg alas 2 kaina sang kaagahon.

[image: image.png]

Facebook Comments