Live From The Field

63

Roxas City, Capiz- Isa ka emergency meeting ang ginpatigayon sang mga katapo sang League of Municipalities of the Philippines- Capiz Chapter.
Katuyoan sini agud nga talakayon ang Executive Order #14 nga ginpapanaog ni City Mayor Ronnie Dadivas ukon ang ENHANCED BORDER RESTRICTION kag QUARANTINE PROTOCOLS sa ROXAS CITY bilang PREVENTIVE MEASURES kontra CORONA VIRUS DISEASE(COVID-19).
Paagi sa amo nga EO, ila lantawon kag busision ang gindihon nga executive order sang Roxas City bilang balasehan naman sa ila nga igabalay nga unified kag standard nga boundary restrictions.
Gintalakay man sa ginpatigayon nga emergency meeting ang parte sa enhanced border restrictions sa mga border sang Roxas City kag kahilapit nga kabanwahanan.
Ginpunto ni City Mayor Ronnie Dadivas nga sarang nga makasulod sa syudad ang mga trucks kag delivery ilabi na ang mga may karga nga basic commodities.
Ini kun maka-secure lamang ang mga driver sang IDs kag employment certificates halin sa ila mga employeers. Nagakadapat man nga may yara ang mga ini nga mapakita nga health clearance nga pirmado sang tagsa nila ka mga RHU officers.
-Mayor Ronnie Dadivas

Facebook Comments