Live-in partner, pilason matapos bun-on sang bana sa Banga, South Cotabato.

7

Padayon nga nagapaidalom sa medikasyon sa ospital ang live-in partner, matapos nga bun-on sang bana sini kagab-i sa Prk. Valencia, Bo. 6, Banga, South Cotabato.
Ginkilala ni Police Maj. Joseph Forro III, Chief of Police sang Banga MPS ang suspek nga si Ramon Tambon , 40- anyos kag residente ng Barangay Lampitak, Tampakan, samtang ginkilala ang biktima nga si Lorna Linulon, 23- anyos
Suno kay Major Forro base sa ila nga imbestigasyon may-yara sang pagbaisanay nga nagluntad sa tunga sang maglive-in partner kag naghambal si Lorna nga makigbulag na sa bana sini rason nga nagdulom suno pa ang iya panan-awan amo nga nabuno ang biktima.
Nakaangkon sang isa ka buno sa likod nga bahin sang iya nga lawas ang biktima nga yara naman sa maayo nga kondisyon.
Gilayon naman nga nagpalagyo ang suspek matapos mahimo ang krimen, apang nadakpan man ini sang BPATs kag ginturn-over sa Banga MPS.
Kaso naman nga frustrated homicide ang posible atubangon sang suspek, suno kay Major Forro.
Sa interview sang DXKR-RMN sa suspek nga si Ramon Tambon nagselos ini tungod nagapati siya nga may iban nga lalaki ang iya live-in partner.
Ginkumpirmar ni Ramon nga papaulion niya na kuntani ang iya nga asawa sa Lampitak matapos nga naglayas.
Nagapangayo naman ini sang pasaylo sa iya live-in partner sa nahimo nga pagbuno.

Facebook Comments