Live-in partner sa pushers arestado

Davao City – Nadakpan sa Philippine Drug Enforcement Agency (PDEA-XI) ang usa ka 36 anyos nga babae human gipailawon og surveillance gumikan adunay concerned citizen nga nagpaabot og mensahe pinaagi sa text nga adunay nagapamaligya og shabu sa Purok 2 Brgy. 76-A Bucana, siyudad sa Davao.

Sa dihang gikasa ang buy bust operation alas 6:30 sa gabii sa nasampit nga lugar, nadakpan ang suspect nga usa ka Joanne Igloria alyas An-an, residente sa maong lugar diin nakuhaan og duha ka sachet sa gituohang shabu nga dunay estimated street value nga 2,000 ka pesos lakip ang buy bust money ug drug paraphernalia.

Matud pa ang kining suspect adunay duha kalive-in nga lalaki nga nagapayuhot usab og iligal nga droga ug nadakpan na sa PDEA.


Unang kalive-in mao si Joel Saberon nga nasikop sa Davao City Police Office (DCPO) niadtong bulan sa Nobyembre didto sa Brgy. 31-D ug laing kalive-in sa suspect nga ginganlang Joel Batingal nga naharang sa Task Force checkpoint kanidtong Marso 2016 sa may sirawan Toril ningdakbayan.

Samtang ang dinakpan nga si Igloria balhog na sa detention cell sa PDEA-XI ug gihikay na ang kasong kalapasan sa Sections 5, 11 ug section 15 sa Article 2 sa Republic Act 9165 Comprehensive Dangerous Drugs Act of 2002.

RadyoMaN Don Pulayao

Facebook Comments