‘Local government revamp’ maayong lakang

16

Davao City – Mas maayo ang lakang ni Pres. Rodrigo Duterte sa iyang gipakitang pagbahad nga angayan lutoson ug i-revamp ang local government level lakip ang mga local government officials nga magbinuang sa ilang katungdanan.

Sumala ni Bangsa Iranun deputy mayor Pamikerin Arumpac Jr.,uyon sila sa plano sa presidente nga lutoson ug paglahugay sa mga ahensiya sa local nga panggamhanan lakip ang Autonomous Region in Muslim Mindanao kun ARMM.

Giingon ni Arumpac nga pabor siya sa plano sa pangulo ug mao lang kini ang bugtong nga pamaagi aron ma-evaluate kung unsa ang record sa mga local officials kung aduna bay pag-abuso sa awtoridad nga molapas sa tawhanon katungod.

Gipasabot ni Arumpac nga angayan silotan ang mga opisyal kung mapamatud-an nga nagbinuang sila sa ilang pagpanerbisyo sama sa pagkalambigit sa iligal nga buhatan, kurapsyon ug pang-abuso sa ilang pagdumala sanglit anaa sila taas nga posisyon.

Pabor si Arumpac nga kasohan ang mga local government officials ug pinakataas nga penalty ngadto sa mga opisyal nga wala magtarung sa ilang pagdumala.

RadyoMaN Don Pulayao

Facebook Comments