LOCAL NEWS | Menor de edad nadakpan sa buy bust operation

6

[image: IFM 919 Logo (1).jpg]
Malampuson nga nasikop sa mga sakop sa Station Drug Enforcement Team sa Lagao Police Station ang 15 anyos nga lalaki dihang gipahigayon ang buy bust operation kagabie sa Zone 4 Block 4, Purok 15, Lagao.

Gitago sa pangalan nga Toto ang suspek residente gihapon sa maong purok, kansa usa ka out of school youth.

Nasayran sa imbestigasyon sa Lagao PNP gipangunahan ni Police Major Benhur Catcatan ang operasyon batok sa suspek nga menor de edad tungod sa impormasyon nga nagapayuhot kinig iligal nga droga.

Positibong napalitan ang suspek nga si Toto sa poseur buyer nga pulis og pakete sa iligal nga drogang shabu gamit ang markadong salapi balor og 500 pesos.

Wala na makapalag ang suspek og giaresto dayon, samtang pipila ka oras gitugyan gilayon ang suspek ngadto sa CSWDO.

Giprepara gihapon sa kapolisan ang kasong pagsupak sa balaod batok iligal nga droga ang suspetsado.

For more info’s and updates, like and share our official facebook account : www.facebook.com/ifm91.9Gensanofficial/

Facebook Comments