LOCAL NEWS|GENSAN, ADUNAY IKA-UNOM NGA NAGPOSITIBO SA COVID-19

33

General Santos City–Gikumpirma ni Gensan City Mayor Ronnel Rivera nga adunay ika-unom nga kaso sa Covid-19 ang dakbayan sa Gensan kansa usa ka 30 anyos nga babaye nga usa ka Locally Stranded Individual kon LSI gikan sa kauluhang Maynila.


Sumala niya nga sa karon anaa sa stable nga kondisyon ang nahisgutan ug nagpabilin sa covid-19 facility sa Dr. Jorge P. Royeca Hospital.

Padayon usab ang ginahimong contact tracing sa mga naka-uban niini sa byahe nga ni-abot niadtong Hulyo 2 dinhi sa dakbayan ingon man sa mga Health Workers nga ni-assist kaniya gikan sa airport padulong sa Isolation Facility.

Kalabot niini, gibutyag ni Mayor Rivera nga sulod sa halos usa ka bulan nga anaa sa modified general community quarantine ang Gensan, hinay-hinay nga nagabalik ang ekonomiya. Apan nagpabilin gihapon ang bahad sa Covid-19 gumikan padayon gihapon ang pagsulod sa mga LSI ug ROF sa dakbayan.

Dugang pahayag sa mayor nga dakong tabang ang barangay covid control forces kon BCCF sa pagbantay sa mga LSI nga anaa sa mga isolation facility.(LVR)

Facebook Comments