LOCAL NEWS|Pagpatay kay Mayor Matinong, kapulisan blangko pa sa motibo

34

General Santos City—Padayon pa karon ang ginahimong imbestigayson sa kapulisan sa probinsya sa South Cotabato sa pagpusil-patay kang Sto. Niño Mayor Pablo Matinong mag alas 8:00 sa buntag kagahapong adlawa sa may Prk. Libertad, Sto. Niño.


Sumala kang Police Col. Jemuel Siason, Provincial Director sa South Cotabato Provincial Police Office nga posibleng nakahigayon ang mga kriminal nga riding in tandem sa pagpusil sa biktima.

Subay sa inisyal nga impormasyon, duha ang suspek nga sakay sa usa ka xrm motorsiklo nga kolor pula nga paspas nga misibat palayo sa lugar human ang maong pagpamusil.

Dugang pamahayag ni Siason nga padayon pa nilang ginasuta karon ang motibo sa maong pagpamusil kung asa dali pang gidala sa balay tambalan ang biktima apan gideklara kining dead on arrival.

Nasayran nga nakuhaan ug footage sa CCTV sa lugar ang pagsibat sa mga suspek kansa kini karon ang usa sa mga ginasuta sa kapulisan.

Facebook Comments