[image: IFM 919 Logo (1).jpg]
Presohan ang gitulgan sa upat ka mga suspek sa pagpangawat og duha ka motorsiklo nga nawagtang niaging semana atbang sa 7/11 Bulaong Avenue.
Giila sa kapolisan ang mga suspek nga silang Earl Oralde, 18 anyos; Joshua Luagas, 19 anyos; Jhonnel Villacarlos, 16 anyos parehong mga estudyante og magsilingan sa Purok San Roque Kalubihan, Barangya Dadiangas West ingon man si Edelmark Polo, 18 anyos estudyante og residente sa Barangay Calumpang.
Unang nadakpan sa checkpoint sa kapolisan sa Maribulan, Alabel, Sarangani Province tulo ka mga suspek na magsilingan niaging Sabado sa gabie dihang nasita ang motorsiklong gigamit og nasuta nga gikawat nga motor ang ilahang nahold niaging Marso 3 sa 7/11 Bulaong Avenue sa Gensan.
Gitugyan ngadto sa Pendatun Police Station ang mga suspek og motor nga narekober samtang gihimo ang interogasyon ngadto sa mga suspek may kauban pa ang mga nadakpan na suspek nga anaa sa Calumpang.
Gilusad ang follow up operation sa Pendatun PNP og malampuson nga nadakpan sa ilang panimalay si Polo ingon man ang motorsiklo nga kinawat ang narekober human gikawat niaging Marso 7 sa samang patigayon.
Gipaubos na sa pagpasang at og kaso ang mga suspek samtang ang duha ka motorsiklo ang anaa sa kustodiya sa presinto sa kapolisan.
