Local Youth Development Office gin-athag ang kwalipikasyon sang SK official nga magapapili sa SK Election

Gin-athag ni Rey Jason Gregorio sang Iloilo City Local Youth Development Office ang kwalipikasyon sang SK official nga magapapili sa Sangguniang Kabataan Election sa Mayo 14.
Suno kay Gregorio , ang magapapili sa SK election dapat:

1. Filipino citizen
2. qualified kag registered member sang Katipunan ng Kabataan ukon KK
3. indi magnubo sa isa ka tuig nga residente sang Barangay nga padalaganan
4. indi magnubo sa 18 anyos ang edad kag indi magsobra sa 24 anyos sa adlaw mismo sang eleksyon
5. makahibalo magbasa kag magsulat sa English, Filipino kag Hiligaynon
6. nagakapat nga ang magpadalagan wala sang paryente tubtob sa 2nd degree sang consanguinity (nanay, tatay, utod, bata, lola, lolo, apo) ukon affinity ( father-in-law, mother-in-law, grandfather-in-law , grandmother-in-law , sister-in-law , brother-in- law) nga incumbent official subong

Gin-athag naman ni Gregorio nga mahimo makapadalagan ang mga kandidato apisar may mga tiyo ukon tiya nga nagapangalagad bilang Bgry. Kagawad ukon Brgy. Kapitan kag santo sa ila interpretasyon sang layi, pwede magpadalgan ang amay ukon ang iloy kag ang bata basta wala pa ang mga ini nakaagi pungko sa pwesto.


Suno kay gregorio nga mayor nga tinutuyo sang anti-political dynasty provision nga indi ma-impluwensyahan sang incumbent official ang election sa ila barangay.

. Dugang pa ni Gregorio nga mahimo makaboto ang 15 anyos tubtob 30 anyos nga mga botante sa SK election.

Indi naman makapungko sa pwesto ang mga mapilian nga mga SK officials kon indi ang mga ini makatambong sa mandatory training nga ginahatag sang Local Youth Development Office .

Nahibaluan nga nagsugod na sang Sabado, Abril 14 ang filing sang Certificate of Candidacy ukon COC nga magatakop sa Abril 20.

(photo from web)

Facebook Comments