Lockdown sa 3 BPO companies sa Davao giwagtang na

28

Davao City – Padayon gihapon ang ginahimong monitoring sa tulo (3) ka mga business process outsourcing (BPO) companies sa syudad sa Davao sa kaso sa Coronavirus Disease 2019 (COVID-19).

Kini ang gibutyag sa City Health Office (CHO) human nga giwagtang na ang gipatumang lockdown sa naasoy nga mga kompanya human nga nakatala og daghang kaso sa COVID-19.


Matud ni Dr. Ashley Lopez, CHO Acting Head, matag duha (2) ka semana imonitor ang maong BPO companies labi na ang pagpatuman sa minimum public health standards pinaagi sa surveillance sa opisina ug monitoring sa mga empleyado.

“Nag-reopen na ang tulo ka dagkong BPOs nato diri na ginatawag nga Big 3 pero dunay monitoring gihapon every two weeks,” segun ni Lopez.

Gibutyag ni Lopez nga 50% sa COVID-19 transmission natala sa mga opisina o trabahoan.

Subling gipasabot sa health official ang importansya sa saktong ventilation sulod sa opisina aron nga makagawas o maka-circulate ang hangin aron malikayan ang risgo sa COVID-19.



RadyoMaN Kirby Manzon

Facebook Comments