Lockdown sa duha ka Barangay sa Maasim, nagpadayon

23

General Santos City–Nagpabilin pa gihapon hangtod karung panahona ang lockdown sa pipila ka parte sa Barangay Colon ug sa Poblacion sa Maasim, Sarangani Province tungod sa daghang nagpositibo sa rapid test.

Nasayran nga usa lamang gihapon ang nahimong tinubdan sa virus kadtong katabang nga namatay nga gikaingong nagpositibo sa covid 19 nga posibleng nakuha niini sa iyang amo nga naga-adto sa gensan fishport. Kini ang nahimong pamahayag ni Maasim Municipal Mayor Xyrex Pacquiao human nahinabi sa RMN-Gensan News team.

Saysay pa niini nga bisan pa man ang ilang Municipal Hospital ang gi-lockdown pa gihapon karung panahona gumikan wala pa nakagawas ang tanang nurses ug mga pasyente nga naka-isolate sa maong ospital tungod wala pa miabot ang resulta sa ilang swab test.

Sumala sa Mayor nga mahibauan lamang nila kung tanggalon na niini ang gipatumang lockdown kung moabot na ang resulta sa swab test sa nahimong direct- contact sa pasyente kung asa kapin sa 50 ka pamilya sa Barangay Colon ang apektado ug gamay lamang sa Barangay Poblacion. (RV)

Facebook Comments