Lodging houses kag resorts bantayan agud indi makasulod ang mga menor de edad sa Valentine’s Day

116

ILOILO City – Luyag nga masiguro sang city government nga wala sang minors nga makasulod sa diin man sa 16 ka lodging houses kag beach resorts sa syudad sa Pebrero 14, Valentine’s Day.

Kahapon ginsapol ni Task Force Moral and Value Formation Chairman, Jorge Duron, ang mga supervisors kag operators sang sini nga mga establishments agud magpangabay nga hugot nga ipatuman ang Regulation Ordinance ‎2015-447.

Ini ang ordinansa nga nagaresulate sang operation sang mga lodging houses, pension houses, inns, hotels, motels, apartelles kag kaangay nga mga establishments sa syudad.

Maga-assign si Duron sang mga personnel sang task force sa tagsa ka lodging houses kag resorts agud magconduct sang saturation drive sugod 8:00 sang aga tubtob alas 6:00 sang gab-e.

Luyag mahibaluan ni Duron kun bala ginatuman gid sang mga security guards sang mga lodging houses ang pag-check sang mga minors sa sulod sang salakyan ilabi na ang mga tinted nga magatuyo sa pagsulod sa ila establesemento.

Pasalig ni Duron kun magpamilit ang minor nga magsulod sa establishments, igarescue nila ang mga ini kag dal-on sa City Social Welfare and Development Office ukon CSWDO agud madocument kag iturn over sa ila mga ginikanan.

Paadam ni Duron magapangatubang sang sanctions ang establishment nga magatolerar sang pagsulod sang mga minors.

Facebook Comments