Lola nabunggo han bus, patay

2941

TACLOBAN CITY – Nabunggo han pampasahero nga bus an usa nga 76 anyos nga lola ha Brgy. Cawayan, Catarman, Northern Samar kasangkulop, June 17.

Subay ha report han Police Regional Office 8, ginkilala an biktima nga hi Nena Balleta Obong, residente ha nasabi nga lugar.


Nagawas ha imbistigasyon han mga otoridad nga tikadto an Elavil Bus ha Manila tikang ha Pambujan, Northern Samar.

Tumabok hi lola nena ha highway rason han driver nga hi Raul Guab, 47 anyos, taga Bibingcahan, Sorsogon nga mag-maneuver ha left lane han highway para diri mabunggo hi lola nena pero tigda nala nga bumalik an biktima nga nagresulta han iya pagkabunggo han bus.

Nabunggo liwat han bus an usa nga motorsiklo nga ginmamaneho ni Melcris Capac Abuyog, 24 anyos, residente ha Brgy. UEP, Catarman, Northern Samar.

Patay hi lola nena, samtang samaran naman an driver han bus ngan motorsiklo nga yana nagpapatmabal ha Northern Samar Provincial Hospital.

Facebook Comments

From Advertisers