Lolo sikop tungod sa paglapas R.A 9262

20

Himas rehas na karon ang usa ka pinangita sa balaod human kini nadakpan sa kapulisan sa Sindangan tungod sa ilang gipahigayon nga operasyon didto sa may brgy. Ramon Masaysay, sakop sa maong lungsod.

Ang personahe sa Intelligence sa Sindangan MPS dali nga nagpahigayon ug manhunt operation batok kang Vincent Binghay Ybañez Sr., 63 anyos human nadawat ang arrest warrant gikan sa lamesa ni Presiding Judge Reymar Lacaya sa RTC, Sindangan penetsahan ug Dec. 4, 2017.

May kalabutan kini sa paglapas sa Section 5(h) sa R.A 9262 (Anti-Violence Against Women and their Children Act of 2004) Samtang ang korte nagmando sa pyansa nga mo balor sa 12,000mil ka pesos alang na usab sa iyang temporaryong kagawasan.

Ang dinakpan, temporaryong gibalhog sa Sindangan MPS samtang gihikay pa ang kasong ipasaka batok sa suspek.

Facebook Comments