Taghiktan na pagdajaw sa pagkakuman inin carabao o kabaw na mipatay kahapon sa buntag sa ija kaugalingon na amo na si Ulysses Orcejola, 28 anyos na taga Brgy. Serna inin syudad. Sa pagbisita kuman buntag sa RMN Surigao sa pamilya nan biktima ,tagbutyag ni Elsa Orcejola, nanay sa biktima na ija na daan taglang-an ija anak sa una pa na ibaligya na an amo na kabaw kay hadlok sija sa nabatian sa iban na lugar na manungag o kaha magwild an isa ka kabaw. Duha pasab ka tuig an amo na kabaw na taghuptan sa biktima kay gikan ini nija napalit sa lain na tag ija. Sumaya pa na tagtakda ibaligya na lamang an amo na “killer carabao”ngadto sa mga negosyante nan karne. Ini isab an nahimong suhestyon o tambag nan City Veterinarian , Dr. Allan Quines, na mas marajaw idispatsar na lamang an amo na kabaw kay delikado na ini na makahimo na isab nan pagpangatake labina kay nakapatay na.(RadyoMaN Jerson Fuentes)
