Nagpahimangno karon ang Land Transportation Franchising and Regulatory Board kon LTFRB region 10 sa mga draybers ug operators sa mga public utility vehicle kon PUV’s nga tsek-apon daan sakyanan sa dili pa mamasahero.
Ang pahimangno sa LTFRB subay sa paghandom sa semana santa diin lauman ang pagdagsa sa mga bakasyunista nga mu-uli sa tagsa-tagsa ka mga probinsya.
Sa interview sa RMN ngadto kang LTFRB regional director Allan Guro gibutyag niini nga angayang siguruhon ang road worthiness sa mga passenger bus ingon man ang PUVs nga tig-biyahian sulod-gawas dinhi sa rehiyon.
Gipaniguro usab sa ahensiya ang 6 hours policy driving sa tanang bus drivers aron kalikayan ang pagka-disgrasya diin mga pasahero ang direktang apektado.
Samtang nanawagan usab kini sa publiko nga dili musakay sa mga kolorum nga mga sakyanan.
Samtang gitambag usab sa National Confederation Transportworkers Union kon NCTU sa publiko nga mamili sa sakyanan kung mag-commute.
Sa interview sa RMN ngadto kang NCTU 10 Regional Chairman Joel Gabatan gibutyag niini nga kinahanglan sigurohon nga ang usa ka sakyana rehistrado pinaagi sa pagsusi sa sticker ug plate number.
Makaloloy matud pa ang pasahero kung madisgrasya ang kolorum nga sakynan tungod kay walay insurance.
