LTFRB Region 10, miangkong dunay gi-alokar nga dakong kantidad alang sa mga operators sa PUV

46

Giangkon ni Land Transportation Franchising and Regulatory Board kon LTFRB region ten Director Aminodin Guro nga adunay gi-allocate nga dakong kantidad ang ahensiya alang sa mga operators sa Public Utility Vehicle kon P-U-V.

 

Kini human nga adunay mga gipatumang health protocols sa mga P-U-V ilabi na niining covid-19 pandemic, sama sa dili pagkarga sa 100 percent sa capacity sa ilang sakyanan.


 

Dugang pa niini ang mga dugang gastuhon sa facemask ug face shield, pag-disinfect sa mga sakyanan ug sa mga gibutang nga mga plastic barriers.

 

Matud ni Guro nga gani nangayo pa og dugang increase sa pletihan ang mga operators apan wala kini tuguti sa ahensiya.

 

Samtang ihatag ang maong ayuda pinaagi sa One Time Cash Assistance nga programa sa LTFRB region ten.

 

Matud ni Guro, ihatag sa ahensiya ang 6,500 pesos per unit.




 

Nasayran nga kung ang usa  ka operator adunay napulo ka unit, madawat usab niini ang napulo ka tag 6, 500 pesos nga ayuda.

 

Kini ihatag sa mga operators hangtud sa bulan sa Disyembre karong tuiga.

Facebook Comments