LTFRB XI: Pipila ka PUJs gidakop tungod sa ‘overpricing’

69
Davao City – Gilusad sa Land Transportation Franchising and Regulatory Board Davao (LTFRB XI) Enforcement Unit ang Intensified Roadside Operations sa kadalanan sa dakbayan sa Davao.

Gibutyag ni Nonito Llanos III, LTFRB XI Regional Director, kini aron maseguro ang safety sa riding public nga ang mga drayber ug operators nituman sa regulasyon sa mga Public Utility Vehicles (PUVs).

Sa datus sa LTFRB XI, 4 ka mga PUVs ang nadakpan ug giisyuhan og Inspection Report Summons (IRS) nga gilangkuban sa duha ka Public Utility Jeepney (PUJ), ang nag-overprice ug walay fare matrix, 1 ka Taxi sa paglapas sa MC 09-016 o Failure to present order transit advertising ug 1 UV Express sa illegal parking.

Hugot nagpahimangno si Llanos sa mga drayber sa pagtuman sa fare matrix tungod wala pa hingpit gipatuman ang fare hike.

Sumala ni Llanos, gitakdang ipatuman sa unang semana sa Oktobre ang usbaw sa pletihan sa pampublikong jeep, taxi ug bus dinhi sa Davao Region.

Sa LTFRB central office statement, giaprubahan ang P1 hike sa traditional ug modern jeepneys, samtang P2 increase sa provincial buses ug P5 nga usbaw sa flag-down rates sa mga taxi.



“Kung nangolekta na sila sa increase karon overcharging na, gipangunahan nila ang atong direktiba nga tagaan pa og 15 diyas una kini maimplementar. Sayang pod ang P5,000 sa atoang mga drivers ug operators kung mag-overcharge sila,” segun niini.

RadyoMaN Aimee Guinita

Facebook Comments