LTO AKLAN MAGABUKAS HIN AGA NGA ADLAW APANG LIMITADO RO SERBISYO

26

Kalibo, Aklan— Bukas hinaga nga adlaw ro taeatapan it Land Transportation Office apang limitado eamang ro serbisyo.
Suno kay Engr. Marlon Velez it LTO Aklan nga limitado pa eamang ro andang ginatanyag nga serbisyo sa mga kliyente agud indi magutok ro tawo sa sueod it andang opisina.
Gindugang pa kara nga kapin sa 160 nga katawo eon lang ro sarang makapa-appointment sa andang opisisna kada adlaw agud masiguro ro social distancing.
Para maka pa-appointment may cellphone number nga ginprovide ro andang taeatapan para idtu maga text ro kliyente ag magapadaea it appointment number ag schedule.
Ro iba suno kana nga mga personnel kapin eon gid ro mga vulnerable okun may mga edad eon hay ginpakamayad nga mag work from home anay.
Pagatrataron eamang suno kana ro maga-renew eamang it lisensiya ag motor vehicle transaction ro pwedeng mapasugtan nga makasueod.
Ginklaro man ni Velez nga kaeakip sa indi anay ma-cater ro maga apply sa new license ag ro maga renew halin sa student permit paadtu sa sub- professional drivers license.
Raya nga tikang hay agud matratar ro mga backlog it ahensiya pag abot sa mga expired nga mga papeles it motor vehicles.
Nasayuran nga ro mga nag expire nga license ag registration ku kasagsagan it lockdown hay owa it dugang nga penalty nga pagabayaran bilang pagtao it konsiderasyon sa mga drivers nga naapektuhan it COVID19.

Facebook Comments