General Santos City–Pormal nang gisugdan sa LTO-Regional Office -12 ang programa sa ahensya nga LTO Online PASS kon Personal Appointment And Scheduling System alang sa ilang mga kleyente nga adunay mga transaksyon sa ilang buhatan sama nalang sa pagparehistro, pagparenew sa rehistro sa ilang mga sakyanan ingon man sa ilang lisensya nga dili buot makigdutdotan sa pila sa ilang opisina.
Sumala pa ni Atty. Romeo Vera Cruz ang Executive Director sa Land Transportation Office nga gimugna kini sa ilang ahensya pinaagi sa tabang sa stradcon ang IT provider sa LTO aron makunhuran ang kahasol sa transaksyon sa matag LTO district office alang sa mga naga-renew sa ilahang mga lisensya.
Dugang pa niini nga pinaagi usab sa maong online appointment malikayan na nila ang pagduol sa mga fixer aron lang ma-renew ang ilang mga lisensya ug rehistro sa mga sakyanan.
Apan pag paklaro ni Vera Cruz nga mamahimo lang makakuha ug appointment ang mga indibidwal nga adunay transaksyon nga may kompleto na nga mga dukumento ug wala pa na-expire ang ilang mga lisensya ug rehistro.
Dali lang matud pa ang buhaton sa mga buot mag pa-appointment sa ilang online mo-adto lang sa official website sa LTO nga www.lto.net.ph ug mag fill-up ug form sa maong site depende kung buot mag renew ug sakyanan o lisensya, sundon lang ang mga instruction ug fill-apan ang mga ginkinahanglan nga Fill-apan ug mamili ug oras ug adlaw sa buot nimong schedule. (Dave Silagan)
