LTO-XI: Bus driver nagpositibo sa drug test kasohan, konduktor gi-endorso sa CADAC

Davao City – Mag-atubang og kasong kalapasan sa Republic Act 10586 (Anti-Drunk and Drugged Driving Act) ang usa ka Public Utility Vehicle (PUV) Bus driver nga nagpositibo sa gilusad nga surprise drug testing sa Davao City Overland Transport Terminal (DCOTT).

Sa interbyu sa DXDC RMN Davao kang Niel Cañedo, Regional Director sa Land Transportation Office (LTO-11), giingon niini nga ila nang gi-endorso ngadto sa buhatan sa Davao City Anti-Drug Abuse Council (CADAC) ang konduktor nga nagpositibo sa drug test alang sa rehabilitasyon.

Kahinumduman, ubay-ubay sa mga public utility bus driver, apil ang mga konduktor ang gipailawom sa random terminal drug testing niadtong Nobyembre 28, 2022 sa LTO-Xl sa DCOTT.

Tumong niini alang sa seguridad sa mga sumasakay gikan sa mga badlungong driver nga mohatod kanila sa ilang tagsa-tagsa ka destinasyon samtang anaa sa impluwensya sa droga.

RadyoMaN Don Pulayao

Facebook Comments