LTO-XI mihatag og extension sa expired nga rehistro ug lisensya

Davao City – Mihatag og lugway ang Land Transportation Office (LTO-XI) niadtong mga na-expire na nga rehistro ug lisensya sukad Agosto ning tuiga.

Sa anunsyo sa LTO-XI, extended ang validity sa rehistro sa tanang sakyanan/motorsiklo nga adunay plaka ending number 8, 9 ug 0 samtang kadtong adunay plate number ending 8, mamahimo pang maka-renew sa ilang rehistro hangtud October 31, 2021.

Ang plate number ending 9, extended ang validity hangtud November 30, 2021, samtang ang plate number ending 0, extended ang validity sa rehistro hangtud December 31, 2021.


Sa anunsyo usab sa buhatan, extended ang validity hangtud Disyembre 31, 2021 sa tanang Student Permit, Non-Professional Driver’s License (DL), Professional DL, Conductor’s License ug Medical Certificates nga mag expire karong bulan sa Oktubre, 2021.

Gikanayon ni Neil Cañedo LTO-XI Director, kini gihimo paghatag og panahon ug konsiderasyon sa mga indibidwal ilabi na kadtong naapektuhan sa ilang pinansyal tungod sa pandemya.

RadyoMaN Kirby Manzon

Facebook Comments