Lubong sa duha ka gipatay sa Sta. Cruz nagkagubot

Sulop, Davao del Sur – Nagkaguliyang ang lubong sa duha ka mga gipatay nga magsuong menor de edad human nagkakomprontasyon ang inahan ug iyaan kansang gidak-an sa mga bata.

Sa Sulop Municipal Cemetery itamod na unta sa ilahang ulahing kapahulayan ang mga biktima dihang nagkatinubagay ang isig ka-kampo ug tungod sa grabeng tensyon nawala sa iyahang paminsar ang inahan.

Sa eksklusibong interbyu sa DXDC sa iyaan (igsuong babae sa amahan sa mga biktima), gimahay niini’g taman ang inahan sa mga bata tungod namatay kini sa kamot sa iyahang uyab.

Saysay sa iyaan nga sila nag-amuma ug nagpadako sa mga biktima sukad pa sa pagkabata ug lisod alang pa niyang dawaton ang gidangatan sa iyahang mga pag-umangkon.

Igo ra usab nga nihatod ang amahan sa mga lungon sa sementeryo ug nipahawa aron malikayan ang kagubot tungod sa iyahang kapungot sa mga inahan sa mga biktima.

Ulahing nakita sa amahan nga buhi ang iyahang mga anak niadtong Nobyembre 1, 2022, adlaw sa Kalagkalag.



RadyoMaN Aimee Guinita

Facebook Comments