Lugar sa isa ka sitio sa Barangay Punta Tabuc kun sa diin naga-istar ang truck driver nga nagpositibo sa COVID-19, ginpahamtangan sang mga barangay tanod!

362

Roxas City, Capiz – Ginsara na ang lugar sa Sitio Paghidaet sa Barangay sang Punta Tabuc kun sa diin nagpauli ang 47-anyos nga lalaki nga nagpositibo sa corona virus disease.
Bangud sini, ang entrance kag exit points sang lugar nga nahamtangan sang poluy-an kag kahilapit nga panimalay ang ginpahamtangan na sang mga barangay tanod kag barangay health workers.
Nahibaluan nga basi sa official statement nga ginpaguwa ni City Mayor Ronnie Dadivas., ang nasambit nga persona ang isa ka truck driver sang isa ka cement company sa Iloilo kag residente sang Punta Tabuc, Roxas City.
Sa pagpang-usisa sang City Health Office, nahibaluan nga madugay na ini nga wala nagapauli sa Roxas City apang sang ginhilanat sang Agosto 4 tubtob 5, ginpapauli sang iya employer sang Agosto 6 kag diri nag-quarantine.
Ginpaidalom ini sa real-time polymerase chain reaction (RT-PCR) test pagka-Agosto 9 kag pagguha sang resulta, nahibaluan nga nagpositibo ang amu nga persona sa COVID-19.

Facebook Comments