LUNA: 14 cases sa child sexual abuse natala

Davao City – Muabot sa katorse (14) ka mga kaso sa child sexual abuse dinhi sa syudad ang natala sa LUNA Legal Resource Center for Women and Children karong tuiga.

Kini ang gibutyag ni Atlanta Yap, Program Officer sa LUNA Legal Resource Center for Women and Children atol sa interview kaniya ni RadyoMaN Misel Miral-Galve sa Serbisyong Straight to the Point Interview sa ‘Ikaw ug ang balaod’ segment.

Sumala ni Yap nga sagad sa mga nabiktima sa pagpamolestiya nag edad og 3 anyos – 25 anyos diin napulo sa katorse ka mga kaso niini nag edad 18 anyos paubos.


Samtang sa obserbasyon sa maong organisasyon, sagad sa responsable sa pagpangabuso sa kabataan kaila ra sa biktima sama sa silingan o family members.

Subay niini, gipahinumduman ni Yap ang publiko nga adunay mga balaod nga makahatag og proteksyon niini nga kaso sama sa RA 7610: Anti Child Abuse Law ug RA 8353: Anti-Rape Law.

Alang sa mga nangita og asistinsya og unsay angay buhaton kalabotan sa maong gihisgutan, mamahimong muadto sa Luna Legal Resource Center for Women and Children, Inc. nga nahimutang sa Quirino ning syudad o mutawag sa ilang contact number nga 222-3448.

RadyoMaN Renz Barbarona

Facebook Comments