Lupon road crash: Security guard patay

46

Davao City – Nakabsan sa kinabuhi ang usaka security guard human mabangga ang gimaneho niining motorsiklo sa punoan sa Acacia nahitabo kini alas-11:30 sa gabii sa may Purok Malinawon, Barangay Limbahan, Lupon, Davao Oriental.

Biktima giila nga usa ka Jehen Gregorio, 30 anyos, security guard ug residente sa Purok Mansanitas, Barangay Macangao, Lupon, Davao Oriental.


Migula sa imbestigasyon nga naglawig ang gimanehong Honda motorcycle niini apan pag-abot sa National Highway sa Purok Malinawon, Barangay Limbahan, sa maong munisipalidad, nawalaan og kontrol ang biktima sa behikulo hinungdan nga mibangga kini sa punuan sa kahoy.

Tungod sa impact, misimang kini sa dalan ug nalagpot didto sa pikas lane.

Gisulayan pa og dala ang biktima paingon sa Lupon Provincial Hospital apan gideklara kini nga dead on arrival alas-11:40 sa susamang adlaw.

Samtang ang motor gidala ngadto sa Lupon Municipal Police Station alang sa tukmang disposition.

RadyoMaN Jason Amisola

Facebook Comments