‘Maagang Pamasko Trabaho Para sa Inyo’ ilusad

22

Davao City – Gipanawagan karon ang mga nagapangita og trabaho nga og kinsa man ang interesado, mamahimong musalmot sa laing hugna na usab sa job fair karong Dec. 7, adlawng Biyernes sa UM Bolton Campus ning syudad sa Davao.

Sumala sa Public Employment Service Office PESO-Davao, ang PESO Job fair “Maagang Pamasko Trabaho Para sa Inyo” magsugod alas 8 sa buntag kutob alas 4 sa hapon diin daghang kumpanya ang musalmot sa maong aktbidad.

Gihangyo usab sa PESO-Davao ang mga job seekers nga magdala og mga dugang dokumento ug dili lang resume sama sa school records ug certificate of employment alang sa mga dunay work experience ingon man magsuot og formal attire atol sa interview.

Alang sa dugang mga pangutana, mamahimong mutawag sa PESO Davao contact number nga 233-6890 o mubisita sa PESO main office nga nahimutang sa Almendras gym sa Quimpo Boulevard ning syudad sa Davao.

RadyoMaN Renz Barbarona

Facebook Comments