ILOILO CITY – Ginaplano ni Mayor Jed Patrick Mabilog nga idumili na ang makahulubog nga ilimnon makalipas ang alas 12:00 sang tungang gab-e.
Suno sa alkalde mahimo ini paagi sa pagpasar sang isa ka ordinansa.
Nagapati ang alkalde nga isa ini sa mga pamaagi agud mapahagan-hagan ang krimen ilabi na ang mga ginatuga sang makahulubog nga ilimnon.
Gin-ako sang alkalde nga nakapaminsar sya sini nga plano bangud mabati-an niya sa mga report kag bisan sa record sang kapulisan nga kadam-an sang mga insidente ilabi na sa gab-i tuga sang mga tawo nga hubog.
Subong man nagpasalig ang akalde nga kuhaon pa ang bahin sang mga maapektuhan sang iya proposal. Ilabi na ang mangin epekto sini sa torismo sang syudad.
Dugang pa sang alkalde nga suhestyon lamang ini kag hibaluon sang syudad kun ano ang mangin balatyagon sang publiko.
Tags: Iloilo, Iloilo City, RMN, RMN Iloilo, Kasamang Magie
