Davao City – Dul-an P1-M ang damyos sa sunog nga miulbo sa Purok 1 Brgy. 37-D duol sa Public Market, Mabini Boulevard, siyudad sa Davao.
Sa esklusibong interview sa Team RMN Davao ngadto kang Fire Inspector Officer Esequel Tabon sa Bureau of Fire Protection nga 23 ka balay ang nasunog diin 17 niini ang deklaradong totally damaged ug 6 ang partially damaged.
Matud ni Tabon nga nagsugod ang sunog gikan sa panimalay ni Alma Cañete ug paspas nga mikanit ang kalayo tungod sa kakusog sa hangin ug nasayran nga sagad sa mga balay nga nasunog ginama sa light materials.
Gidugang ni Tabon nga ila pang ginaimbestigahan kung unsa ang hinungdan sa sunog ug ila sab imbestigaran si Alma Cañete kinsa usa sa nasamdan sa maong sunog nga deklaradong fire out alas-4:11 sa hapon.
Sa pagkakaron anaa pa Southern Philippines Medical Center (SPMC) si Cañete ug padayon pa gitambalan sa mga doktor.
RadyoMaN Don Pulayao
