Dead on arrival sa Agusan del Norte Provincial Hospital ang usa ka magtutudlo human aksidenting nibangga ang iyang gimanehong single motor sa usa ka Mitsubishi Strada pick-up.
Giila ang biktima nga si Zan Kervix Duhac, 35 anyos, minyu, usa ka magtutudlo ug residenti sa District 1, Brgy. Poblacion, Carmen Agusan del Norte.
Sa impormasyon gikan sa police blotter nasayran nga bandang alasd 12 ang takna sa tungang gabie, gilagbas sa biktima ang JC Aquino Avenue saka sa iyang Yamaha MIO single motor nga nagdala sa temporaryong plaka 1501-22608 apan paghidangat niini tungod sa Josephine Homes Brgy. Libertad ning syudad ang aksidenting nibangga sa Mitsubishi Strada pick-up nga adunay plaka numero PJE 820 nga gimanehu usab ni Angel Mike Lara, 26 anyos, taga Purok 1, Brgy. Maningalao, Las Nieves Agusan del Norte.
Daling gidala sa balay tambalanan ang biktima apan gideklarang dead on arrival sa attending physician nga si Dr. Maria Kristina Mordeno sa Agusan del Norte Provincial Hospital.
Sa karon gikustodiya na sa Police Station 3 ang nagmanehu sa Strada Pick-up alang sa tukmang disposasyon.
[image: zhan.jpg]
