Maestro nga gin-akusahan sang pagmolestya sa iya mga lalaki nga estudyante, nagresign

BACOLOD CITY – Nagfile na sang resignation ang maestro sang isa ka elementary school diri sa ciudad sang Bacolod nga gin-akusahan sang mga estudyante sang pagpang-molestiya sa ila.

Ang maestro ginkilala kay Joselino Labtic, anay manunudlo sa grade 5 sang JR Torres Elementary School sa Brgy. Singcang Airport, Bacolod City.

Ginpahayag nga may kapin sa 18 tanan ka mga estudyante nga lalaki ang nag-palayag sining karon gid lamang nga ini sila ang gin-molestiyahan sang amo nga maestro sang ini sila ang Grade 5 pa gid lamang.


Suno sa mga estudyante nga ginahalukan sila sang maestro sa guya kag ang iban sa lips, subong man ginahikap ang ila mga private parts.

Pahayag sang isa sa mga estudyante nga grade 6 na sa karon, nga subong lang sila nag-gwa kag magsugid sang ginhimo sang maestro bangud nga nahadlok sila kag nahuya sa natabo sa ila.

Bangud sang reklamo, gilayon nga nag-usisa ang eskwelahan kag naghimo sang aksyon kag sadtong February 16, gin-relieve ang maestro kag temporaryo nga ginsaylo sa DepEd Division Office.

Sa bahin naman sang DepEd, ginsiling sini nga wala sila sang may nabaton nga official complaint halin sa mga estudyante kag mga ginikanan sini apang gilayon man sila nga nagpatigayon sang ‘motu proprio’ investigation.

Resulta sini, natalana na nila kuntani nga i-file ang administrative case batuk sa maestro apang nag submit na sang iya resignation ang manunudlo kag humalin sang Lunes wala na ini nag report pa sa iya trabaho./DYHB NEWSROOM

Facebook Comments