Naila ang magtutudlong giakusahang nanglugos sa nuebe anyos nga estudyante nga si Sebatian Tulod, nag-edad sa 50 anyos kapin, minyo ug nagtudlo sa Hagpa Elementary School sa Barangay Hagpa, Impasug-ong, Bukidnon.
Nasayran nga nagtudlo ang maong akusadong maestro sa Grade 3, kung asa dili lamang matud pa ang nuebe anyos maoy nabiktima kon dili aduna pay laing lima ka mga estudyante ang nabiktima.
Gani matud pa, kaniadto pa kini gihimo sa maong magtutudlo kung asa ang ubang mga estudyante ang anaa na karon sa high school, nangaminyo na ang uban ug anaa na sa kolehiyo usab ang uban, kinsa nagpakahilom lamang tungod sa ilang kahadlok kaniadto.
Gibutyag sa maong amahan nga gitawag lamang nga Ondo, nga ila kining gipagawas nga panghitabo tungod kay daghan na og nabiktima ang maong maestro ug aron usab nga mosumbong kadtong mga nabiktima pa ni Tulod.
