Mag-angkasanay sa motor nga napatay sa aksidente sa banwa sang Murcia nakilal-an na

Nakilal-an na ang mag-angkasanay sa motorsiko nga napatay matapos nabungguan sang truck nga may karga nga pinya sa Purok La Roca, Sta. Rosa, Murcia, mga las-5:30 kaina sang kaagahon.

Ginkilala ang mga biktima nga sanday Christian Jay Gerial Tiansay, 31-anyos, kasado sang Brgy. Anahaw, Hinigaran, security guard sang Savemore Talisay kag Cheryl Demingoy Maguad, 34-anyos, kasado, sang Brgy. 13, Victorias. Sa karun, ginapahibalo pa kun diin nagatrabaho ang babaye.

Sa interview sang DYHB sa driver sang truck, ginpahayag sini nga nahukas ang nawala nga ruyda sang panguna sang salakyan sini rason nga nabungguan ang sugata nga motorsiklo.


Gikan sa Salvador Benedicto ang truck kag maga-deliver sang pinya sa Libertad Public Market sa ciudad sang Bacolod.Ginapahayag nga magapadulong sa Salvador Benedicto ang mga biktima bangud birthday bwas nga adlaw ni Maguad.

[image: image.png]

Facebook Comments