Mag-asawa ginpapulis matapos ginbilin sa mall sang sila ang nag-away

1168

BACOLOD CITY – Gindala sang isa ka security guard sang isa ka daku nga mall malapit sa Bacolod Downtown Area, sa police station ang isa ka mag-asawa matapos nga ila sini gin-abandonar ang ila bata sa office sang amo nga balaligyaan kahapon sang hapon.

Ang mag-asawa, isa ka 21 anyos kag 24 anyos nga mga residente sang Brgy. Singcang Airport, ciudad sang Bacolod.

Suno sa gwardiya sang amo nga mall nga nakilala kayi Bernie Lubrico, 24 anyos, tumandok sang Sipalay City nga may mga las 5:20 kahapon sang hapon iya nakita nga naga-away sa sulod sang mall ang amo nga mag-asawa.

Samtang nga naga-away suno sa gwardiya, ila sini ginbilin sa Admin Office ang ila baby boy kag nadula sang halos 30 minutos antes nga nagbalik.

Bangud sini, nagpahayag sang kahangawa kag alarma ang tagdumalahan sang amo nga mall gani sang pagbalik sang mag-asawa, ini sila ang ginreport sa police./dyHB BACOLOD

Facebook Comments