Ang kapulisan sa Sindangan sa pagpanguna ni PO2 Melcar A. Garcia nagpahigayon ug hot pursuit operation batok sa suspek, didto sa gitukod nga Amigo Building tapad sa Prince hypermart.
Malampuson nga naaresto ang mga suspek nga sila si Jomar Ageas y Berondo, 32 anyos uban sa iyang ka live in nga si Donna Nalangan Libre, 22 anyos, residente kini sila sa brgy. Bantayan, sa maong lungsod.
Sa gihimong imbistigasyon, nakita kini sila sa CCVT footage, ug miangkon usab nga ang ilang mga nakuha atua sa ilang panimalay, nakuha pagbalik ang usa(1) ka laptop asus, lima (5) silver necklace, usa (1) stainless necklace, usa ka (1) sandugo shoes, usa (1) 9mm pistol norinco, adunay SN RIA1729499, usa (1) ka magazine adunay sulod nga 9 ka mga buhing bala.
Ang suspek ug narecover nga mga gamit gidala na sa Sindangan MPS alang sa tukmang disposasyon.
