MAG ASAWA NGA PINOY, 2 NILA KA BATA KAG ISA KA ABYAN, PATAY SA AKSIDENTE SA CALIFORNIA

Report ni: Jennifer Palomo Debaja

Patay ang apat ka miembro sang pamilya upod ang ila abyan matapos disgrasya nga nakabunggo ang ila salakyan sa kahoy sa California, USA.

Ginkilala ang mga biktima nga sanday Jelson kag Arlene Laguta kag ang ila magagmay pa nga kabataan nga sanday Caleb kag Joseph.


Kaupod sang mga biktima nga napatay ang abyan nga si Danilo Salidad.

Base sa inisyal nga imbestigasyon sang pulis, nagabiyahe ang mag-pamilya sa Highway 99 sang nadulaan sang preno ang ila salakyan kag nagbunggo sa kahoy.

Nagapanawagan naman sang bulig ang pamilya sang mga napatay nga makapauli sa pungsod ang ila mga bangkay.

Samtang, nag organize naman sang Go Fund Me ang kaabyanan sang mga biktima para makatipon sang kwarta para sa ila funeral.

Facebook Comments