Disgrasya nga nahulog ang mag-iloy samtang nagapungko sa front seat sa Calumpang nga jeep.
Natabo ang aksidente takna alas 7:00 kaina sang aga, Nobyembre 30 sa Z- 10 Brgy. Calumpang, Molo.
Ginkilala ang biktima kay Marie Joy Bangcas, 28 anyos sang Z-10 Brgy. Calaparan, Arevalo nga nakaagum sang pilas sa iya nga paa.
Samtang napatay naman ang iya bata nga naga edad sang 5 ka bulan nga si Alyana matapos nga matapakan sang guma sang salakayan.
Ginkilala naman ang driver nga si Melbert Guiao, 30 anyos sang Z-10 Brgy. Calaparan, Arevalo.
Suno kay Guiao nga samtang nagamaneho siya, gulpi lang may nagtabok sa dalan kabangdanan gin torse ang manibela agud makalikaw.
Apang sa iya paglikaw, nag-awas naman sa front seat ang mga biktima.
Nagpangayo sang pasaylo ang driver sa pamilya sang biktima bangud suno sa iya indi niya hungod ang natabo kag handa ini nga magbulig sa kinahanglanon sang pamilya sang biktima.
