MAG-ILOY, PATAY MATAPOS GIN-IGO SANG KILAT SA BANWA SANG MAMBUSAO SAMTANG NAGAKATULOG!

701

Mambusao, Capiz- Patay ang mag-iloy matapos naigo ang mga ini sang kilat pasado alas 11 sang gab-i sa Sitio Agcagay Barangay Bunga banwa sang Mambusao.
Nakilala ang mga biktima kay Roshel Ledesma, 35-anyos ang pang-edaron kag anum ka tuig sini nga bata nga lalaki nga nasapwan na lamang sang iya pamilya nga wala sang kabuhi samtang nagahigda.
Suno sa utod nga si Retchie Ledesma, pasado alas 11 sang gab-i sang nagbubo ang mabaskog nga ulan kadungan sang panalugdog kag pangilat.
Nahibaloan nga nakabangon pa ang biktima agud nga magpangihi kag gintabunan sang tela ang espiho/salamin.
Nakabati ang mga ini sang mabaskog nga lupok nga ginsundan sang brown out matapos nga naglupok ang outlet sang ila kuryente.
Sang gin-iwagan sang flashlight ang mga biktima, nakit-an sang mga ini nga nagahamyangon ang mag-iloy samtang yara sa abaga sini ang anum ka tuig nga anak nga wala naman sang kabuhi.
Nag-angkon sang madamo nga kapilasan sa lawas ang mga biktima.
Gintinguhaan pa nga dal-on sa ospital ang mga biktima apang gindeklarar ang mga ini nga dead-on-arrival.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments