Patay ang mag-iloy matapos masunog ang ila puluy-an sa barangay salvacion, buenavista, guimaras kahapon sang kaagahon.
Ginkilala ang ang mga biktima nga amo sanday Ledonia Querubin, 89-anyos, kag bata sini nga si Rosario Querubin, 69-anyos.
Ginpahayag nga wala na maluwas sang mga bumbero ang mag-iloy bangud mabudlay sudlon ang ila balay bangud tuman na ka daku sang kalayo kabangdanan nga nalakip sa nasunog ang mag-iloy.
Nahibaluan nga nahuman sa light materials ang puluy-an sang mag-iloy kabangdanan nga madasig ini nga ginlamon sang kalayo.
base sa imbestigasyon sang Buenavista PNP, natumba ang kingki nga gina-gamit sang mga biktima kabangdanan nga nag-ibwal ang kalayo nga nagtuga sang nasambit nga sunog.
