Mag-inahan, driver nadunggaban

34

Davao City – Kasong murder ug frustratted murder ang gipasaka sa kapulisan sa Talomo batok sa suspek nga nagluba sa mag inahan atol sa selebrasyon sa kapistahan.

Sa blotter sa Talomo PNP, mga biktimang mag-inahan nga sila si Magdalena Sargado, 65 anyos, ug Blessed Sargadao, 21 anyos, pulos mga nagpuyo sa Sabroso, Ecoland Barangay 76-A Davao City, giluba sa nagwild nga hubog nga si Briegan Ganzon Brigoli, 35 anyos, renter ug lumad nga taga-Don Marcelino, Davao Occidental alas 3:45 sa hapon.

Parehong gidala ang mga biktima sa Central 911 sa Southern Philippines Medical Center (SPMC) apan si Blessed Sargado ang gideklara nga dead on arrival.

Ang suspek daling nadakpan sa mga residente ug gitabangan sa pagkulata sa mga nangasuko nga silingan sa mga biktima.

Sa pikas bahin, patay usab ang usa ka driver sa dihang gidunggab human nangape sa may dalang Magallanes bandang alas 3:00 sa kadlawon kagahapon.

Biktima naila nga si Jerry Malate, 47 anyos, minyo ug residente sa may SIR Sandawa Brgy. 74-A, Matina ning siyudad.

Samtang suspek naila usab nga si Condrado Obra Manuales, 47 anyos, residente sa may Quimpo Blvd. ning siyudad.

Sumala sa initial nga imbestigasyon sa San Pedro PNP, sa dhang nahinabi nila ang asawa sa suspek nga si alyas Delilah aminado kini nga nagka relasyon sila sa biktima.

Ug sa dihang nahibal-an kini sa bana sa mao nga babaye, nagsige na og bahad nga patyon gayud sa suspek ang karelasyon sa iyang asawa samtang nag sige og ba-id sa iyang kutsilyo sulod sa duha na ka semana.

Tungod sa selos nga gihiaguman sa suspek, iyang giatngan ang maong driver sa ruta nga ginabiyahean ug didto niya naabtan nga nangape sa may Magallanes.

Giduol ug kalit gidunggab sa suspek ang biktima igo sa ubos sa may liog nga bahin gamit ang usa ka wala pa mailhing mahait nga hinagiban dayon daling nisibat samtang gidala ang biktima sa SPMC apan gideklarang patay sa attending physician tungod nahutdan og dugo.

Kapolisan naghimo na og manhunt operation sa aron sa pagdakop sa suspetsado.

RadyoMaN Erin Lumosbog / RadyoMaN Paul Canono

Facebook Comments