General Santos City–Blangko ang biktimang si Dongcoy Pag-o, 34 anyos nga taga Lacap Subd., Barangay San Isidro, Gensan sa Motibo sa pagpanigbas sa iyang ig-agaw nga si Robert Pag-o, residenti sa samang lugar ngadto kaniya ug sa iyang inahan niadtong Myerkules sa hapon.
Sumala ni Dongcoy nga nagdula-dula sila ug baraha uban sa iyang inahan nga si Edita pag-o, 54 anyos ug suspek nga si Robert uban usab ang inahan niining si Violeta.
Samtang nagdula ug baraha nag inum usab ang mga nasampit apan kalit lang matud pang mikuha ug sundang si Robert dayon gitigbas ang mag inahan. Nakaangkon ug samad sa iyang ulo si Dongcoy samtang samad sa iyang abaga ang naangkon sa iyang inahan nga si Edita.
Giklaro usab ni Dongcoy nga wala may nahitabong bingkil tali kaniya ug sa suspetsado nga posibleng hinungdan sa pagpanigbas. Natingala matud pa kini nganong siya gitigbas sa suspek ug giapil pa ang iyang inahan.
Samtang gikumperma usab ni Dongcoy nga gipasanginlan siya sa suspek nga nanigbas usab sa inahan sa suspetsado apan hugtanon sab kining gihimakak sa biktima.
Hinuon nagpadayon pa nag gihimong imbistigasyon kalabutan sa maong insidenti,
