Nasa kapin tunga sa milyon ka pesos nga kantidad sa shabu ang nakuha sa kapulisan atol sa gihimong drug buy bust operation mga alas 5:15 kagahapon sa hapon sa Coastal Road, barangay Lapasan ning syudad.
Ang mga suspects mao silang Recilyn Gonzaga ug Adener G. Fabricante, drug listed personality, miyembro sa batman, 30 anyos, walay trabaho ug taga San Isidro, Barangay Gusa.
Napalit atol sa operasyon ang usa ka sachet sa gituohang shabu nga nagbalor sa kwatro mil pesos.
Nakuha usab gikan sa mga suspects ang cellphone, usa ka libo ka pesos ug lain pang usa ka sachet sa shabu nga nagtimbang sa 100 grams ug gibana-banang nagkantidad og tunga sa milyon ka pesos.
Ang operasyon gihimo pinaagi sa hiniusang pwersa sa kapulisan sa Agora ug Philippine Drug Enforcement Agency Region 10.
