Mag live-in partner nga nasikop sa Buybust Operation, gikasuhan na

General Santos City–Hingpit nang gikasuhan sa Police Station 7 ang mag live in partner nga silang Rubelyn og Junjun Polos hamtong ang pang-idaron nga taga Purok Nasa barangay Fatima, Gensan kansa una nang nadakpan atol sa gihimong search warrant operation gumikan sa kalapasan sa RA 9165.

Kahinumduman nga una nang nasikop ang duruha alas 4:00 ang takna sa buntag niadtong nakalabayng adlaw human nmakuhaan ug gituohang Shabu ang ilang panimalay.

Matud pa ni Police Captain Hilbron Okurin, Hepe sa Fatima Police Station nga ang mga suspek naapil matud pa sa listahan sa nalambigit sa droga og daghan na matud pa silang nadawat nga impormasyon nga nagapadayon sa ilahang illegal nga gimbuhaton ang mga suspek.


Gihingusgan usab ni Okurin nga ayha sila nagapahigayon ug operasyon may mga surveillance ug validation pa sila nga gihimo.

Sila sa kapulisan ginasunod matud pa ang saktong proseso sa pagpahigayon ug operasyon sukwahi sa pasangil kanila sa ilang mga subject sa operasyon nga ilang ginatanum ang ebidensya.

Gibutyag hinuon sa opisyal nga normal lang alang kanila ang pagpanghimakak sa mga suspek aron nga depensahan ang ilang kaugalingon. (Reynald Timario)

Facebook Comments