Patay human malumos ang magtiayon dihang nahulog sa dagat ang ilang gisakyang auto sa Ozamiz City,Misamis Occidental kagahapon sa kadlawon.
Naila ang mga biktima nga sila si Ferdinand Halasan 48 anyos ug Teresita Halasan,47 anyos nga residente Barangay Cota dakbayan sa Ozamiz.
Sa interview sa RMN Iligan kang Ozamiz City Police Director Lt Col. Sherwin Lapiz, pauli na ang mga biktima gikan sa paghatud sa ilang mga kaubanan sa simbahan dihang mahulog kini sa gisubay nga boulevard.
Nasayran nga nakainom ang biktimang lalaki ug ang asawa niini ang nag drive apan posible usab nga biktimang lalaki na ang nag maneho sa maong auto pabalik na unta sa ilang balay.
Kumbinsido ang pulisya nga walang foul play sa maong panghitabo nga naresulta sa kamatayon sa mga biktima.
